Arrasate
Dokumentu Akzioak
Albisteak
Zirkulazioa eten egingo dute Alfontso X. Plazan
Alfontso X. Jakintsua plaza zela berritu daitekeen erabakitzeko proiektua idatziko du datozen bost hilabeteotan Asmatu SL enpresak. Atzo (astelehena) udal gobernuak onartu zuten lan hori adjudikatzea, 21.000 eurorengatik.
Gabonetako argien gastua murriztu guran
Akaso zuetako asko konturatuta zeundeten zela joan den astean hasi ziren Olarte kale inguruan Gabonetako argiak ipintzen. Zenbait baserri auzotan ere ipini dituzte. Bada dagoeneko lan horiek etenda daude. Hala jakinarazi dute Udaleko Obra eta Zerbitzu Sailetik. Emandako azalpenen arabera, udal gobernuak Gabonetako argien gastua murriztu gura du.
Hastear dira San Andresen Abaroa eta auzo alkatetzako obrak
Zaharren egoitza eta San Andres auzoko alkatetza bilduko dituen egoitza berria laster hasiko dira eraikitzen. Lanok egitea 2008ko apirilean onartu zuen Arrasateko Udalak eta irailean adjudikatu ziren.
Jostailuak batzen hasiko dira datorren astean, Jostailu-Truke Azokarako
Txatxilipurdi elkarteak iragarri du datorren astean hasiko direla jostailuak batzen, Gabonetako jostailu-truke azokarako. Martitzenean, azaroaren 25ean hasi eta astean hiru auzotan izango dira, gune horretako jostailuak batzen. Azoka bera egingo dute abenduaren 13an, Okendoko ludotekan.
Fagor Taldean proposatu dute soldatak jaistea %8,5
Fagor Taldearen Zuzendaritza Batzordeak proposatu du datorren urteko soldatak %8,5 jaistea Fagor Taldearen negozio guztietan, Fagor Etxetresna Elektrikoetan izan ezik; azken negozio unitate hori puntu bat atzetik dabilela-eta, proposamena da %7,5 jaistea.
Azoka plaza eta Alfonso X. Jakintsua plazako lanak berbagai, gaur
Astelehenero moduan, udal gobernuak batzarra egin behar du gaur arratsaldean. Azoka plazan hutsik dauden saltokien adjudikazioa berbagai izango dute, adibidez, batzar horretan. Hain justu ere, plaza horiek adjudikatzeko prozedura arautzen duen agiria onartzeko proposamena izango dute mahai gainean herriko agintariek.
AHTren aurkako mendi martxa egin zuten zapatuan
Arrasateko AHT gelditu! elkarlanak antolatuta, 30 lagun inguruk hartu zuen parte. Ikutixoko baserritik gora igo Muru mendia inguratu zuten. Bertan Aramaion lanak nola doazen ikusi zituzten. Suña auzoan egin nahi duten bidezubiko lanak ere ikusi eta salatu zituzten. AHT gelditu! elkarlaneko kideek adierazi dute pinudi guztiak bota eta lurra prestatzen ari dira pista berriak zabaltzeko. Gaineratu dute Ertzainen patrol baten kontrolpean egon zirela martxak iraun zuen une askotan.
Penaltiz lortu zuen berdinketa Ondarruko taldeak Mojategin
Mondra aurreratu zen markagailuan, baina atsedena aurretik etorri zen berdinketa.
Joko maila eskasa erakutsi arren, norgehiagoka zirraragarria egin zuten errugbi taldekoek
Arrasatearrek lo eman zioten hasiera Elorrioko taldearen aurkako norgehiagoka, baina azken unean emaitza txukuntzen asmatu zuten.
Aldundiko eta Udaleko ordezkariek mendebaldeko saihesbideko lanak bisitatu dituzte
Uztailean hasi ziren lanok, eta astelehenean ekingo diote larrialdietarako galeria zulatzeari. Lanak bertatik bertara ezagutzeko aukera izan dute, besteak beste, Eneko Goya, Bide Azpiegituretako diputatuak eta Ino Galparsoro Arrasateko alkateak. Asmoa da egunero Arrasate erdigunetik ibiltzen diren 7000 ibilgailu bertatik ateratzea.
