Pasa den astean Irratia.com irrati digitaleko 110. saioa Kazetaritza: teknologia, erabiltzaileak | OOXML standarra adi-adi entzuten egon nintzen. Fonera bat eskuratuko nuen jakiteko. Saio interesgarria izan zen, beti bezala, baina saioaren amaiera aldian OOXML formatuaren gaineko eztabaida izan zen eta tartean ISOak aipatu zituzten. Jabik bota zuen galdera: Guk Mendebaldeko Sahara jarri dugu. Zer jartzen duzue zuek horrelakorik eskatzen zaizuenean?  Ikerketa tonto bat egin beharko genuke...

Ikerketa txiki bat egiten egon naiz. Geurean oso hedatuta dauden bi komunitateetan egin dut ikertzen, Fotolog eta Myspace guneetan.

Gertuko lagunak non erroldatuta dauden begira egon naiz. Nire Myspace guneko 18 lagunak non dauden erroldatuta eta hauen lehenengo 10 kontaktuak non erroldatuta dauden begiratu dut. Fotologean ez dut izenik eman, baina RSS bidez jarraitzen ditudan 10 kontuetan begira egon naiz. Eta 10 lagun hauen lagunak non erroldatuta dauden ere begiratu dut.

Ondorioak

Gune askotan Euskal Herria ez denez aukeren artean agertzen erabiltzaile askok España aukeratzen dute eta herria jartzeko tokian erreibindikazioak egiteko erabiltzen dute.

Beste batzuk Españatik kanpo erroldatzen diren. Arrazoia zein den esatea zaila da. Bere burua ez dutelako español ikuste, beste herrialde batzuekiko atxikimendua adierazteko edo pribatutasuna gorde nahian bere herriko jendeak ez aurkitzeko beste herrialde batean erroldatzen denik ere badago.
Eta azkenik, barre eragiten dituzten gune geografikoak aukeratzen dituzte. Herrialdea edo herria bera bakarrik ez du barregurarik eragiten kasu gehienetan, baian aurretik zerbait gehitzen badiozu artikuluaren bukaeran agertzen direnen modukoak aurkituko dituzu.

Erreibindikatiboak

1. BASQUE COUNTRY is not, España (13 erabiltzailek aukeratu dute)
2. Arrasate-Mondra is not, España  (4 erabiltzailek aukeratu dute)
3. Euskal Herria ez da, España (3 erabiltzailek aukeratu dute)

Neutralak

Fotolog.com guneak bi aukera berezi eskaintzen ditu. Neutral Zone eta Europa Island asmatu dute. Euskaldun askok erabiltzen duten aukera da.

1. ARRASATE!, Neutral Zone (4 erabiltzailek aukeratu dute)
2. ARRASATE, EUSKAL HERRIA Europa Island (4 erabiltzailek aukeratu dute)

Beste herrialde batzuekiko atxikimendua

1. ARRASATE EZ DA ESPAÑA, Irlanda
2. Guantánamo, Cuba
3. Sahara

Bereziak

• EUSKAL HERRIA / BASQUE COUNTRY near, España
• Euskal Herria Antigua y Barbuda
• ¡AVE MARIA PURISIMA!, Estado de la Ciudad del Vaticano (Santa Sede)
• Euskadi is not Spain, Cigarrola is not Arrasate, Islas Marshall
• Que te, Kayes, Mali II
• Edonon, Wallis and Futuna
• Eirelogan, Saint Peter Basseterre, Saint Kitts and Nevis
• se dice ortigas, no, Artigas, Uruguay
• Sin city, Neutral Zone
• Ke viene el, Cocos (Keeling) Islands
• Sandwich de queso y…, York, United Kingdom
• fine land, fine beer, Kilkenny, Ireland
• mordor, Pais Vasco, Spain
• eztakit nun dauen, Guam

Oharra: Hemen plazaratutako datuak ez dute balio zientifikorik. Estatistikoki ez dira zuzenak. Lagina ez da errepresentatiboa. Kontuan izan!

Euskarazko Wikipediak, sarean den euskal entziklopedia aske handienak, 25.000 artikuluen muga gainditu du. Wikipedia entziklopedia eleanitza da, eduki askeduna eta dohainekoa, edonork eraiki eta ekarpenak egiteko aukera ematen duena.

Entziklopedia tradizionaletan ez bezala, Wikipediak bere komunitatearen ahaleginean uzten du artikuluak sortzea, gainbegiratzea edota zuzentzea. Komunitate horren partaideei wikilari edota lankide deritze. Ez dago artikuluak berrikusten dituen lantalde profesionalik, wikilarien eskuetan geratzen da dena. Ez dago agintzen duen inor, erabakiak wikilari guztien arteko bozketa bidez ematen baitira, ahal den adostasun handiena bilatuta betiere.

Proiektu asko sortu izan dira historian zehar Euskal Herrian auzolanaren bidez. Ez dugu inolako dirurik edo ondasun materialik jasotzen eginiko lanagatik. Hala ere, ikasten den guztia, gisa honetako proiektu baten partaide izatea edota Argia Sarien bitartez izandako aitorpena, hori dena ordainezina da.

Gizartean Internetek leku gero eta garrantzitsuago duenez, beharrezkoa da euskararentzat sarean proiektu sendo eta oinarrizkoak izatea. Horien artean dago Wikipedia, gizateria osoaren jakintza doan eta aske banatzeko sortu zen proiektua. Horretan sinesten dugu: internauta euskaldunek, dauden lekuan daudela, gizadiaren informazio ahalik eta osatuena jasotzeko aukera izatea, beste hizkuntzetara jo behar izan gabe.

Jakintza askean sinesten dugu, jakintza baita aske egiten gaituena, jakintza baita gizarteari emateko daukagun opari onena.

Euskarak Interneten leku garrantzitsua izan dezan ari gara lanean, euskara garatu eta zabaltzeko beharrezkoa den ingurua baita sarea, eta horren alde jarraituko dugu lanean. Euskara teknologia berrietan, sarean, komunikazioaren munduan sustatzen duen baliabidea da Wikipedia; denon artean, auzolanean, euskaldun guztiok euskaldun guztiontzako sorturiko edukia biltzen duena.

Zuk ere egin dezakezu jakintza aske eta euskaldunaren alde, edonork hartu baitezake parte proiektu honetan: ez da inolako gaitasun berezirik behar, ekarpen guztiak ongietorriak bezain beharrezkoak dira. Hurrengoan, agian zu, irakurle, edota zure auzokoa, lankidea, senidea... izango zarete euskarazko jakintza askearen sortzaile eta sustatzaile.

Gotzon Egia, Mikel Iturbe eta Arkaitz Zubiagak idatzitako artikulua

Fon Wi-Fi komunitatean sartuko naiz hemendik gutxira. Irratia.com irrati digitalak 10 fonera doan banatuko zituztela esan zuten blogean. Zerrendan jartzeko eskatu nien eta eguaztenean egin zuten zozketan sarituetako bat izan naiz.

Eskerrik asko Xabi Del Rey eta Irratia.com egiten duzuenontzat.

Gaur, 2008ko otsailaren 20a, bost urte betetzen dira Espainiako Auzitegi Nazionaleko Juan del Olmo epaileak Euskaldunon Egunkaria itxi zuela.

Egunkaria libre!

Gaur San Balentin eguna da, baina Euskal Herrian ez dago maitasunerako aukerarik.
no time for love

Euskal ikasleen arteko blog lehiaketara martxan jarri dute. Lehiaketaren web gunean "gazteen artean teknologia berrien erabilera euskaraz sustatzea" eta "euskal gazteek web 2.0 aroan erabilerara ohitu daitezen" dela diote. Guzti hau era arduratsuan eta euskaraz izatea da antolatzaileen helburua.

Eusko Jaurlaritza eta Bizkaiko Foru Aldundiaren babesa du. Alianzo enpresak sortutako lehiaketa da Ikasi.eu.

Nola parte hartu

Parte hartu nahi duen ikastetxeak ikasi.eu web gunean izena eman behar du eta arduradun bat izendatu beharko du. Antolakuntzak blog plataforma bat emango dio sarrerak egiteko.

Izen ematea

Izen emateko epea zabalik dago. Baina kontuan hartu lehiaketan epaituko diren edukiak urtarrilaren 14a eta martxoaren 18a bitartean egindakoak izango direla.

Epaimahaia

Hezkuntza, pedagogia eta publizitatean lanean diharduten pertsonak osatuko dute ikasi.eu lehiaketako epaimahaia.

Sariak

• Ikastetxe irabazlearentzat, proiekziorako kanoia.
  
• Arduradunarentzat PDA agenda elektronikoa.
  
• Ikasleentzat Kutxaespaziorako bidaia irabaziko dute.
  

Atzo eman ziren jakitera Sareko Argia saria 2008. Interneteko Sareko Argia saria, Euskarazko Wikipediarentzat izan da. Wikipediaren izenean, administratzaile maila duten bi lagunek (Unai Fernández de Betoño eta Mikel Iturbe) eta burokrata maila duen Julen Gomezek jaso dute saria.

Zorionak guztioi!

Nahiz eta saria administratzaileek jaso, saria euskarazko wikipedia egiten eta osatzen duten/dugun guztiendako da. Beherago epaimahaiaren azalpena irakur dezakezue. Ea sari honek balio duen bultzada bat emateko euskarazko wikipediari.

Epaimahiaren azalpena

Hau da epaimahiak saria emateko arrazoiak:

2008ko SAREKO ARGIA saria ematea erabaki dugunean proiektu honen zenbait birtute nabarmendu ditugu. Internet mailan munduan sortu den ekintzarik garrantzitsuenetako batean parte hartuz, euskara eta Euskal Herria sendotu ditu Interneten eta aldi berean munduan puntakoa den jarduera  batekiko sinergiak eragin ditu euskaraz.

Ehunka herritar ari dira parte hartzen proiektuan; seguru gehiago ugarituko direla ondoko hilabeteetan. Horregatik, ez da harritzekoa erabiltzaileen kopurua ere asko handitu izana.

Burutzen ari den lan txalogarriagatik 2008ko SAREKO ARGIA SARIA Euskarazko Wikipedian ari direnentzako da.

Guztien izenean, hiru arduradun etorri zaizkigu saria jasotzera, Mikel Iturbe, Julen Gomez eta Unai Fernandez de Boroño.

Gainerako sarituak

Hauek izan dira gainerako sarituak:

Prentsa idatzia: Imanol Murua Uria
Publizitatea: “Euskarazko komunikabideak? Behar duzuna eta askoz gehiago” Eusko Jaurlaritzako Kultura Sailaren kanpainak.
Telebista: Mihiluze (ETB1)
Irratia: Arratsaldekoa (Euskadi Irratia)
Merezimenduzkoa: Emilio Lopez Adan Beltza

Iturria: Argia

• Sarien argudioak (.doc)
• Xabier Letona ARGIAko zuzendariaren hitzaldia (.doc)
• 2008ko Argia Sarien banaketa-ekitaldiko bideoa.

Blogeko alboko zutabean aldaketatxo bat egin dut. "Imamon sarean" atala gehitu diot. Menu moduko bat da sarean nondik nora ibiltzen naizen jakin dezazuen. Kuxkuxeroak bazarete eman buelta bat gune hauetatik eta zertan nabilen jakingo duzue.

• Bildu.net: Laster-markak gorde, elkarbanatu eta etiketatzeko sistema bat da.
• Euskaltube: Bideoak igotzeko zerbitzua.
• Flickr: Argazkiak elkarbanatzeko webgune bat eta on-line komunitatea da.
• Irratia.com komunitatea: Lehenengo euskal irrati digitaleko komunitatea.
  
• Myspace: Hau oraindkik ez dakit zertarako balion duen, baina hor nago.
• Youtube: Bideoak igotzeko zerbitzua.
• Twitter: Sare sozial eta microblogging zerbitzua da. 
• Zabaldu: Interneten aurkitutako albiste interesgarrienak zabaltzeko aukera ematen duen sistema da.

Eguneraketa: Argazki kamera saldu dut.

Olentzerok argazki kamera berria ekarri dit eta orain harte erabili dudan Olympus E-330 argazki kamera salgai daukat.  Argazkilaritzan hasiberria bazara eta diru gutxi gastatuta nahi baduzu hau da zure aukera. Nire flickr kontuan ikus dezakezuen argazki kamera honekin atera ditudan argazkiak. Interesatuta bazaude 500 euroren truke zurea da ekipo osoa. Harremanetarako kontaktu-orriako formularioa bete eta gaian e-330 jarri.

Ekipoa osatzen dute:

• Olympus e-330 gorputza.
• Zuiko Digital 14-45 mm f3.4-5.6 objektiboa.
• Zuiko Digital 40-150 mm f3.5-4.5 objektiboa.
• Litio ioietako BLM-1 bateria.
• LBH-1 bateria, hiru cr123a pila erabiltzeko bateria.
• BCM-2 bateria-kargatzailea.
• GB bateko xD txartela.
• Bi Hama UV O-Haze filtro
• Case Logic garraio-poltsa.
• USB kablea.
  
• Bideo-kablea.
  
• Gida aurreratua DVDan.
  
• Software Olympus Master.
  

...baina, 18/98+!

Espainiako Auzitegi Nazionalak '18/98 auziko' 46 lagun atxilotzeko agindua eman du