Euri zaparrada eta hotzari aurre egin eta euskalzale mordoa bildu zen egubakoitz gauean ibarreko herrietan euskararen alde korrika egiteko. Gaua izateak ere ez zuen jendea kikildu, eta harrera beroa eman zioten Korrikari gurean. Gatzagatik sartu zen eskualdean, ordu erdiko atzerapenarekin. Handik Eskoriatzara, Aretxabaletara, jarraian Arrasatera eta Oñatira arteko ibilbidea egin zuen.

Domekan bueltatuko da

Legazpira jarraitu zuen Udana gainetik, baina domeka goizaldean bueltatuko da Korrika gurera. Izan ere, Antzuolatik sartuko da 06:30ak aldera. Kontuan eduki behar da zapatu gauean ordua aldatuko dela, eta Antzuolatik sartuko den unea ordu berriaren araberakoa izango dela.