Osteguna, maiatzak 16

10:30

Garbigune ibiltaria Olakua auzoan

Garbigune ibiltaria olio makinaren alboan, urmaelaren ondoan. Bestalde, traste zaharrak esekitoki guneen ondoan utzi behar dira 20:00etatik 22:00etara, baina aurrez deitu behar da horretarako: 943 71 19 38. Industriaguneetan ez dago zerbitzurik.

11:00

Txomin txapel jaia

Huhezi unibertsitateko ikasleek antolatutako jaia.

17:30

Gizonendako foro irekia

Gizonek berdintasunaz hausnartu, gaiak sortzen dizkien kezkak eta ezinegonak partekatu eta kritika nahiz autokritikarako espazioa izan dezaten, sortu nahi da Gizonak berdintasunerantz foro irekia. Taldea abiatu eta gidatzeko, Hiruki larroxa taldeko Joseba Gabilondo etorriko da eta hasteko, hiru saio programatu dira; hau da hirugarrena.

18:00

Leintz Bailarako Ekiolaren hitzaldia

Leintz Bailarako Ekiolak hitzaldi informatiboa egingo du eta honako gaiak landuko dituzte: Instalazio fotovoltaikoaren egoera eta hurrengo urratsak. Bazkideen argindar enpresa merkaturatzailearen aldaketaren prozesua. Behin instalazioa martxan jarri ondoren, bazkideek jasoko duten fakturaren edukiak eta azalpena.

19:00

'Markos Gimenoren karteletrak' erakusketa: bisita gidatua

Joseba Sarrionaindiak gidatutakoa izango da.

22:00

Kooltur Ostegunak: 'Popperra, Afterra, Utopia'

Danele Sarriugarte idazlea eta Miren Narbaiza Mice abeslariak Poperra, afterra eta Utopia izeneko ikuskizuna eskainiko dute Kooltur Ekintzak gonbidatuta. Sarrera: 7 euro.

18:00

20:00

Antzinako irratien erakusketa

Javier Solerrek ekarritako antzinako irratien erakusketa egongo da ikusgai maiatzaren 6tik 19ra.

11:00

19:00

Erakusketa: 'Debagoieneko egoera eta aukera energetikoak'

Debagoiena 2030 ekimenak, bailarako diagnostiko energetikoa eta bere inpaktuak ezagutarazi, aukerak mahai-gaineratu, eta erronka honen inguruko hausnarketak partekatzeko, maiatzak 14tik 16ra bitartean erakusketa jarriko du ikusgai Ibarraundin. 11:00etik 13:00ra eta 17:00tik-19:00ra zabalik.